Во метежот и вревата на денешниот свет и брзото темпо на живот, лесно е да ја изгубиме од вид најважната личност во нашите животи – самите себе. Како жени, честопати се наоѓаме себеси како „жонглираме“ со повеќе улоги – кариера, семејни и други обврски, оставајќи малку време за грижа за себе.
Секој знае колку е важен внатрешниот мир и грижата за себе. Многу од нас знаат и што треба да преземат за подобра нега на себе. И покрај ова, едно од најчестите прашања кои ги слушам, особено од жените е – „Како да ја вметнам грижата за себе во мојот веќе преисполнет распоред?!“
Ако и ти си го поставуваш ова прашање, не си сама. Жените имаат тенденција да ја преземат улогата на негуватели, посветувајќи се на потребите на другите. Меѓутоа, во овој процес, сопствената благосостојба останува последна на листата на приоритети, а кога е последна, најлесна е за „прескокнување“.
Кои се последиците од неводењето грижа за сопствената благосостојба?
- Ниска енергија
- Чувство на безнадежност
- Намалено трпение
- Главоболки, болки во стомакот и други физички симптоми на стрес
- Несоница
- Депресија
- Анксиозност
- Burn-out или „прегорување“
- Намалена концентрација
- Напнати семејни односи
- Намалена мотивација за вклучување во социјални активности
Многу жени ги забележуваат овие симптоми кај себе, но не знаат што треба да променат за да ги отстранат. Промената на навиките во кои сме заглавени долго време може да биде предизвик, но важно е да знаете дека можете да ја постигнете.
Како да се постигнат посакуваните промени?
Најдобар начин да се направи било каква промена во однесувањето е да се започне со едноставни, реални и остварливи чекори.
На грижата за себе не треба да се гледа како на луксуз. Препознавањето и почитувањето на сопствените потреби е нужност за одржување на менталната, емоционата и физичката благосостојба!
- Дајте им приоритет на вашите потреби. Ова може да значи и поставување на граници, кажувајќи „НЕ“ на дополнителни обврски или издвојување одредено време во вашиот распоред за нега на себеси.
- Медитирајте. Вклучете ја медитацијата во вашата дневна рутина. Овa можe да ви помогне да го намалите стресот и да ви донесе чувство на смиреност. Дури и само неколку минутното длабоко дишење може да направи значителна разлика.
- Обрнете внимание на вашето физичко здравје. Најдете активност во која уживате, како јога, џогирање или танц.
- Пишувајте во вашиот дневник пет минути, истакнете си ги успесите и благодарностите во денот.
- Исклучете го телефонот макар на 30 минути.
Запомнете, наоѓањето на внатрешниот мир не значи постигнување на совршен баланс или целосно елиминирање на стресот. Внатрешниот мир се постигнува со изнаоѓање на начини за ефикасно управување со стресот, приоритизирање на грижата за себе и создавање живот соодветен на вашите вредности и желби. Со грижата за себе, ние стануваме повеќе подготвени да се движиме низ предизвиците на животот и позитивно да придонесуваме за светот околу нас!
Верица Бакулеска
Психолог, Гешталт и Психодрама Психотерапевт под супервизија
*Реализацијата на овој проект е овозможена од ДМ Маркт Македонија
