следете нè

Депресивност кај децата

Share on facebook
Share on twitter
Share on linkedin

Како да препознаете и како да реагирате како родители

Различните емоции и справувањето со нив се составен дел од човековото живеење. Исто како што возрасните се справуваат со своите емоции и децата се соочуваат со истото. Нормално е децата и адолесцентите понекогаш да се чувствуваат тажно, и тоа може да биде природен одговор на она што се случува околу нив. Честопати поминувањето на квалитетно време со нив, давањето поддршка и внимание може да помогне за кратко време повторно да се чувствуваат добро. Доколку тагата, лошите чувства и промените во однесувањето потраат подолго, можно е вашето дете да се соочува со депресивно расположение. Како родител може да биде корисно ако се разбере разликата помеѓу лошо и депресивно расположение. Ова може да помогне да размислите за она што вашето дете го доживува и соодветната подршка која му е потребна во моментот.

Некои од знаците кои укажуваат на депресивно расположение се:

  • Чувство на раздразливост, лутина или фрустрираност
  • Губење на интерес за школските активности и задачи
  • Повлекување или избегнување на пријатели и социјални активности
  • Преголема самокритичност и намалена самодоверба
  • Избегнуваат да прават работи во кои предходно уживале
  • Промени во апетитот (зголемен или намален)
  • Промени во сонот (спие повеќе или пократко од вообичаеното)
  • Плачливост, чувство на осаменост и безнадежност
  • Чувство на замор или намалена енергија
  • Промени во хигиенските навики и грижата за себе
  • Чувство на вина и засраменост
  • Самоповредување
  • Самоубиствени мисли и мисли за смрт

Доколку забележите некој од овие знаци, најважно ќе биде да дадете емоционална поддршка на вашето дете.

  • Поминете квалитетно време со него
  • Охрабрете ги на отворен и искрен разговор
  • Слушајте што има да ви каже вашето дете, запознајте се со нивните стравови и валидизирајте им ги чувствата
  • Дајте им време, доколку не сакаат да зборуваат во моментот обидете се подоцна или следниот ден
  • Доколку не сакаат да зборуваат со вас, охрабрете ги да зборуваат со некој друг од семејството
  • Потсетете ги кој се може да им биде поддршка во моментот
  • Охрабрете ги да размислуваат за активности и работи кој би им пружиле задоволство
  • Потикнете ги да вежбаат, да се хранат здраво и да имаат редовен сон
  • Понудете им идеи за различни социјални активности
  • Организирајте семејни активности, друштвени игри со смеа и забава

Се што ќе забележите дека му помага на вашето дете да се чувствува подобро практикувајте го колку е можно почесто. Најважно ќе биде да сте постојано тука за него, и вклучени во неговите активности. Доколку забележите дека ништо од ова не му помага на вашето дете, секако побарајте стручна помош.

Психолог, Семеен-системски советник Александра Стојановска

* Објавените содржини се во психо-едукативни цели, а за професионална проценка и третман, остварете контакт со стручно лице од областа на менталното здравје.
Задолжително означување на авторот и изворот, при превземање и цитирање на објавените содржини.

Напишете коментар