Што треба да знам пред посетата на центарот?
Како да закажам?
Се закажува телефонски во работното време од 10-18ч, од понеделник до петок, а викендите не се работни.
Дали терапијата е доверлива?
Доверливоста и етичноста се на прво место. Идентитетот, личните податоци и се што клиентот споделува со психологот/психотерапевтот на сесиите, останува строго доверлива професионална тајна.
Што треба да се понесе со себе на првата средба со психологот?
Понесете ја со себе комплетната медицинска документација и наоди од сите претходни реализирани прегледи или престои во болница.
Дали психотерапијата е ефикасна?
Ефикасноста на психотерапијата е докажана со научни истражувања од страна на невронауката и е метода базирана на докази.
Колку сесии се потребни?
Бројот на сесии кои се потребни за постигнување на целта за која клиентот бара стручна помош е индивидуален. Тој зависи од растројството или типот на потешкотија со која клиентот се соочува, времетраењето, интензитетот, личните потенцијали, црти на личност и карактер, дисциплинираноста во целиот процес, како и од стручноста и професионалноста на психологот и секако нивниот заеднички контакт.
Дали постои можност за соработка со мојот матичен лекар и психијатар?
Апсолутно да. Наведениот вид соработка во целост го поддржуваме.
Со кои возрасни групи работиме?
Центарот е ориентиран кон задоволување на потребите на клиентите и се нуди целокупна палета на услуги од областа на менталното здравје и тоа наменети за сите возрасни категории, деца, адолесценти и возрасни.
Како да презакажам термин?
Доколку закажете термин, за откажување или преместување, задолжително е потребно известување 24часа однапред.
Фармакотерапија?
Психолозите и психотерапевтите не препишуваат фармакотерапија.
Доколку по психолошката проценка или психодијагностика, психологот утврди индикации и потреба за медикаменти за клиентот, паралелно со психотерапискиот третман и советување, ќе бидете упатени до специјалистите психијатри, со кои континуирано соработуваме и комуницираме.
Начин на плаќање?
За понудените психолошки услуги не постои можност центарот да склучи договор со Фондот за здравствени услуги.
Онлајн услугите се наплаќаат пред одржување на сесијата, и за истото се испраќа потврда за плаќањето во банка или преку електронско банкарство, кај стручното лице со кое имате закажано.
